The game is on! Dahil sa ikalawang pagkakataon ay isasagawa ang Baliwag City Private Schools Association (BaCiPriSa) para sa Academic, Cultural and Athletic Meet 2024, na magsisimula mula Nobyembre 5 hanggang 7, 2024 sa Baliuag University Cultural and Sports Center.

Lalahok sa patimpalak ang 32 private schools sa lungsod ng Baliwag upang ipamalas ang kani-kanilang husay at galing sa larangan ng akademiko, kultura at palakasan.

Sa unang araw at pagbubukas ng patimpalak, November 5, ang mga kinatawan ng bawat private schools ay magpapaligsahan sa pagsulat ng sanaysay, poster making contest at essay writing.

Sa ikalawang araw, November 6 ay magtatagisan pagdating sa pagtula at declamation ang mga kinatawan na nagmula sa level 1, level 2, pre-elementary, junior high, senior high hanggang sa college level. Magpapamalas naman ng husay sa talumpating handa, talumpating di-handa, oration at extemporaneous ang kinatawan mula junior high, senior high hanggang college level.

Sa November 7, ipapamalas naman ng mga kinatawan mula level 1, level 2, pre-elementary, junior high, senior high at college level ang kanilang talento sa pag-awit na may kategoryang vocal solo at vocal duet. Gayundin, ang masining na pagkukwento ng mula sa level 1 at faculty member at sa kategorya ng spoken poetry na may kinatawan mula junior high, senior high, college at faculty member.

Pagdating sa kompetisyon sa akademiko, may mga kategoryang science quiz bee, math quiz bee at general information at spelling bee na mula level 1, level 2 at junior high level.

Magpapaligsahan naman pagdating sa aspeto ng pisikal na kalakasan ang mga kinatawan sa mga kategorya ng basketball, volleyball, chess, table tennis, badminton, gymnastics, swimming, e-games, at taekwondo.

Sa pangunguna ni Mayor Ferdie V. Estrella, ang Pamahalaang Lungsod ng Baliwag ay patuloy ang pagsuporta sa programang ito upang mas linangin ang kakayahan at layon na maipamalas ng mga kabataang Baliwagenyo ang kani-kanilang talento, husay at galing sa aspeto ng palakasan, kultural at akademiko.

#BaliwagCity

#BaCiPriSa